پۆمپیۆ: هاوپەیمانێتی ناتۆ گرنگترین هاوبەشێتیە ستراتیژییەکانە بەدرێژایی مێژووی تۆمارکراو

وەزیرانی دەرەوەی ئەمەریکا و ئەڵمانیا لێدوانەکەی ئیمانوێل ماکرۆن،سەرۆکی فەڕەنسایان  ڕەت کردەوە کە وتبووی هاوپەیمانێتی ناتۆ لە حاڵەتی ” مردنی سەر جێگادایە “.

 

 

 

لە کۆنگرەیەکی ڕۆژنامەوانیدا لە لە لایزبگی ئەڵمانیا لە ساڵیادی زیندوو ڕاگرتنی ڕووخاندنی دیواری بەرلین کە هەردوو وەزیری دەرەوەی ئەمەریکا مایک پەمپێیۆ و وەزیری دەرەوەی ئەڵمانیا هایکۆ ماس بەشداریان تێداکرد، پەمپێیۆ وتی، لەو کاتەدا کە دیواری بەرلین ڕووخێندرا لە کۆتایی ساڵەکانی هەشتادا وەکو سەربازێکی ئەمەریکی خزمەتی کردووە.

 

هاوکات مایک پەمپێیۆ ئاماژەی بەوەشكرد، ” هاوپەیمانێتی ناتۆ هێشتا گرنگە و پێم وایە یەکێکە لە گرنگترین هاوبەشێتیە ستراتیژییەکان بەدرێژایی مێژووی تۆمارکراو.”

 

شایەنی باسە وەزیری دەرەوەی ئەڵمانیا هایکۆ ماس لە کۆنگرە ڕۆژنامەوانیەکەدا ئەوەشی خستەروو ” پێم وانیە هاوپەیمانێتی ناتۆ لەسەر جێگا کەوتبێت و بمرێت.”

وەڵامێک بنووسە