وەزیری دەرەوەی روسیا: ئەمریکا دەیەوێت هەژمونی خۆی بەسەر هەمو شوێنێکی دنیادا بسەپێنێت

وەزیری دەرەوەی روسیا رایگەیاند، سیاسەتەکانی ئەمریکا ئەوە دەردەخەن کە دەیەوێت کۆنتڕۆڵی هەمو جیهان بکات، هەر رێککەوتننامەیەکیش هەژمونی واشنتن لەجیهاندا کەمبکاتەوە بە نادادپەروەر ناویدەبات.

 

 

 

سێرگی لاڤرۆڤ، وەزیری دەرەوەی روسیا لەمیانەی وتارێکدا لە بارەگای سەرەکی نەتەوە یەکگرتوەکان لەژنێف  رایگەیاند، ویلایەتە یەکگرتوەکانی ئەمریکا دەیەوێت هەژمونی خۆی بەسەر هەمو شوێنێکی دنیادا بسەپێنێت.

 

ئاماژەی بەوەشکرد، واشنتن هەمو ئەو رێککەوتننامانە رەتدەکاتەوە، کە ببێتە هۆی سنوردارکردنی دەسەڵاتی وڵاتەکەی بەسەر جیهاندا و بە نادادپەروەر ناویدەبات.

 

لەبارەی کۆبونەوەی سبەینێی لیژنە هاوبەشەکەی رێککەوتننامە ئەتۆمییەکەی ساڵی ٢٠١٥ لە ڤییەنا، لاڤرۆڤ وتی، “ئەوە هەلێکی لەبارە بۆ رزگارکردنی رێککەوتننامە ئەتۆمییەکە راگرتنی ئاڵۆزییەکانی ناوچەکە پێش ئەوەی کات بەسەربچێت”.

 

رێککەوتننامەی ئەتۆمی لەساڵی ٢٠١٥ لەنێوان ئێران، ویلایەتە یەکگرتوەکانی ئەمریکا، فرەنسا، بریتانیا، روسیا، ئەڵمانیا واژکرا، بەمەبەستی کەمکردنەوەی چالاکییە ئەتۆمییەکانی ئێران، بەڵام لەساڵی ٢٠١٨ واشنتن لەو رێککەوتننامەیە کشایەوە، لەبەرامبەردا تاران بە پێنج هەنگاو پابەندییەکانی خۆی بە رێککەوتنەکەوە کەمکردەوە.

 

دوشەممە کۆمیسیۆنی یەکێتی ئەوروپا لە راگەیەندراوێکدا بڵاویکردەوە، ٢٦ی ئەم مانگە لیژنەی هاوبەشی رێککەوتننامە ئەتۆمییەکەی ساڵی ٢٠١٥٤ کە پێکهاتون لە وڵاتانی چین، روسیا، فڕەنسا، بریتانیا، ئەڵمانیا و ئێران  سەبارەت بە دۆسییەی ئەتۆمی ئێران لە ٢٦ی ئەم مانگەدا کۆدەبنەوە.

 

وەڵامێک بنووسە