نەبەز ئیسماعیل: سعوودیە رایگەیاند تا ئەو کاتەی مەترسی هەبێت لەسەر ژیانی خەڵک گەشتی عومرە رادەگیرێت

به‌هۆی بڵاوبوونه‌وه‌ی جۆری نوێی ڤایرۆسی كۆرۆنا (Kovid-19) له‌جیهاندا، سعوودیه ‌هه‌ڵپه‌ساردنی هه‌موو گه‌شته‌كانی عه‌مره‌ی به‌شێوه‌یه‌كی كاتی راگه‌یاند.

 

 

 

 

حکومەتی سعوودیە لەبارەی بڕیارەکە دەڵێت، بڕیارەکە بۆ پارستنی هەموو ئەو موسوڵمانانایە کە دەیانەوێت بۆ بەجێهێنانی عه‌مره سەردانی سعوودیە بکەن.

 

له‌راگه‌یه‌ندراوێكدا كه‌له‌لایه‌ن وه‌زاره‌تی ده‌ره‌وه‌ی سعوودیه ‌بڵاوكراوه ‌ئاماژه ‌به‌وه‌كرا، له‌چوارچێوه‌ی رێوشوێنه‌كانی خۆپارێزی كه ‌به ‌ئامۆژگاری ده‌سه‌ڵاتدارانی ته‌ندروستی و به‌مه‌به‌ستی به‌رگرتن له ‌بڵاوبوونه‌وه‌ی ڤایرۆسه‌كه ‌گیراونه‌ته‌به‌ر، بڕیاردرا به‌شێوه‌یه‌كی كاتی هاتنه‌ناوه‌وه ‌بۆ سعوودیه ‌بۆ ئه‌نجامدانی عه‌مره‌ و سه‌ردانی مزگه‌وتی نه‌به‌وی هه‌ڵپه‌سێردرێت.

 

شایەنی باسە ساڵانە لە هەرێمی کوردستانی عێراق بە هەزاران کەس گەشتی عەمرە دەکەن، لە ئێستادا گەشتکردن بۆ سعوودیە بەمەبەستی ئەنجامدانی عەمرە وەستێندراوە. ئەم بڕیارەی ریاز لە دوای ئەوە دێت، لە ئێرانەوە ڤایرۆسی کۆرۆنا بە رۆژهەڵاتی ناوەڕاستدا بڵاوبووەوە، سعوودیەش بۆ رێگریکردن لە تووشبوونی بە کۆمەڵ عومرەی راگرتووە.

 

بۆ زانیاری زیاتر لەبارەی ئەم بڕیارە ریپۆرتاژێکمان لەگەڵ وتەبێژی وەزارەتی ئەوقافی حکوومەتی هەرێمی کوردستانی عێڕاق ئەنجامدا، سەبارەت بە بڕیاری راگرتنی گەشتەکانی عەمرە رایگەیاند، “بریاری راگرتنی گەشتەکانی عەمرە بریارێکی جیهانیە و بۆ هەموو جیهانە بە بێ جیاوازی، هەریمی کوردستان وەکو هەموو جیهان بڕیارەکە دەیگرێترەوە”.

 

نەبەز ئیسماعیل وتەبێژی وەزارەتی ئەوقافی حکوومەتی هەرێم لە بارەی بڕیاری قەدەغەکردنی گەشتەکانی عەمرە بە پەیامنێری تەبا-ی راگەیاند، “بڕیارەکە لەلایەن حکوومەتی سعوودیە دراوە لە بەرامبەر رێکارەکانی خۆپارێزیە لە ڤایرۆسی کۆرۆنا، بڕیارەکە بۆ هەمو جیهانە بە بێ جیاوازی بڕیارەکە بە شێوەیەکی کاتییە کاتی کردنەوەکەی تاوەکو ئێستا دەستنیشان نەکراوە، ئێستا کەس ناتوانێت گەشتی عومرە بکات”.

 

هاوکات لەبارەی کاتی جێبەجێکردنی بڕیارەکە نەبەز ئیسماعیل رایگەیاند، “لە ئێستادا بڕیارەکە لە بواری جێبەجێکردندایە هیچ هاوڵاتییەک نە لە جیهان نە لە هەرێمی کوردستان سەفەری عومرە ناکات، وە ئەوانەی ناوی خۆیان نوسیوە پێویستە سەردانی کۆمپانیاکان بکەن چونکە گەشتی عومرە لە رێگای کۆمپانیاکان دەکرێت تاوەکوو رێکارەکان بزانن ئایا چیبەکەن وە چۆن پارەی خۆیان وەربگرنەوە، یاخود کاتێکی تر دەستنیشان بکەن بۆ گەشتی عومرە، ئەوانەی ناوی خۆیان نوسیوە و پارەیان داوە پێویستە سەردانی کۆمپانیاکان بکەن”.

 

سەبارەت بە بڕیارەکە ئایا تەواوی جیهان دەگرێتە یاخود بریارەکە تەنها بۆ هەرێمە وتەبێژی وەزارەتی ئەوقاف ئاماژەی بەوەکرد، “شایەنی باسە ئەم بڕیارە بریارێکی جیهانیە بۆ هەموو جیهانە بە بێ جیاوازی هەرێمی کوردستان وەکو هەموو جیهان بڕیارەکە دەیگرێتەوە، ئێمە بەردەوامییمان بە گەشتەکان داوە بەڵام ئەوان رایانگرت”.

 

لە کۆتاییدا سەبارەت بە کاتی کردنەوەی گەشتەکان بەڕویی عەمرەکاراندا وتەبێژی ئەوقاف وتی، “وڵاتی عەرەبستانی سعوودیە رایگەیاند تا ئەو کاتەی مەترسی هەبێت لەسەر ژیانی خەڵک گەشتی عومرە رادەگیرێت، شایەنی باسە تاوەکو ئێستا هیچ بڕیارێکی رەسمی بەدەست ئێمە نەگەیشتوە بۆ دەستپێکردنەوەی گەشتەکان، بەڵام ئاماژەکان بۆ ئەوە دەچن کەوا لەگەڵ کەمبونەوەی مەترسیەکە گەشتەکانی عومرە بکرێتەوە بەڵام تاوەکو ئێستا کاتەکەی دیاری نەکراوە”.

 

هەواڵ:عەبدولسەلام هیشام

وەڵامێک بنووسە