موقتەدا سەدر لە رۆژی عاشورادا لە ئێران لە پاڵ خامنەیی و قاسم سولەیمانی دەرکەوت

موقتەدا سەدر، سەرکردەی باڵای رەوتی سەدر لە ئێران لەگەڵ عەلی خامنەیی، رابەری باڵای ئایینی ئێران و قاسم سولەیمانی، فەرماندەی فەیلەقی قودس سەربە سوپای پاسداران-دا بینرا.

 

 

بە گویرەی هەواڵێکی ئاژانسی هەواڵیی فارس لە تۆڕی کۆمەڵایەتی تویتەر فۆتۆکانی بڵاوکردۆتەوە و تیایدا موقتەدا سەدر لە رۆژی عاشورادا لە ئێران بەشداری دەکات لە ماتەمەکەدا لە پاڵ خامنەیی و قاسم سولەیمانی-ەوە دەردەکەوێت.

 

شایەنی باسە سەدر کە زۆرترین رەخنە لە ئێران دەگرێت، ئێستا لەگەڵ بڵاوبوونەوەی ئەو وێنەیەدا بە تەنیشت خامنەیی و سولەیمانی-ەوە سەرنجی زۆر لایەنی بۆخۆی راکێشاوە و بۆتە هۆی مشتومڕ لەنێو عێراقدا.

 

جێگای ئاماژەیە سەدر رۆژی پێنجشەممە لە لێدوانێکدا هەڕەشەی ئەوەی کردبوو کە ئەگەری هەیە پشتگیری خۆی لە حکوومەت بکشێنێتەوە و دواتر بەرەو ئێران بەڕێکەوتبوو.

 

هاوپەیمانی سائیرون-ی سەربە سەدر لە کۆی ٣٢٩ کورسی پەرلەمان، خاوەن ٥٣ کورسییە.

 

وەڵامێک بنووسە