لە ئەفغانستان ٢١ کەس لەئاکامی هێرشێکی چەکداری کوژران

میدیاکانی ئەفغانستان رایانگەیاند، له‌ ئاكامی هێرشی چه‌كدارانی تاڵیبان بۆسه‌ر شارۆچكه‌ی ئاكچه‌ سەربە ویلایه‌تی جۆزجان باكووری ئه‌فغانستان، ٢١ كه‌س كوژران. 

 

لەمیانی لێدوانێکی رۆژنامەوانیدا غولام ساحی سوبحانی، قایمقامی ئاكچه‌ به‌ میدیاكانی راگه‌یاند کە له‌ ئاكامی هێرشی چه‌كدارانی تاڵیبان بۆسه‌ر قه‌ڵای بالاحیسار سەربە شارۆچكه‌ی ئاكچه‌، ٢٠ كارمه‌ندی هێزه‌ ئه‌منییه‌كان و هاووڵاتییه‌كی مەدەنی كوژران، پێنج پۆلیسیش برینداربوون.

 

هاوکات غوڵام ساحی سوبحانی ئاماژه‌ی به‌وه‌ دا له‌ ئاكامی هێرشه‌كه‌دا، قه‌ڵاكه‌ كه‌وتۆته‌ ده‌ست تاڵیبان و چه‌كداران پێنج كارمه‌ندی هێزه‌ ئه‌منییه‌كانیشیان ده‌ستگیركردووه‌.

 

لای خۆیشیه‌وه‌ تاڵیبان بانگه‌شه‌ی ئه‌وه‌ ده‌كات كه‌ له‌ هێرشه‌كه‌دا، ٢٧ سه‌ربازییان كوشتووه‌.

وەڵامێک بنووسە