لە ئەفغانستان دوو داواکاری گشتی لە هێرشێکی چەکداری کوژران

ئاژانسی ئەسۆشێتد پرێس رایگەیاند، لە ئاكامی هێرشێكی چەكداریی بۆ سەر تیمێكی داواكاری گشتیی لە شاری كابوڵ پایتەختی ئەفغانستان، دوو داواكاری گشتیی كوژران.

 

 

لە هەواڵێکدا ئاژانسی هەواڵیی ئەسۆشەیتد پرێس لە جەمشید رەسولی، وتەبێژی نووسینگەی داواكاری گشتیی نیشتمانیی لە ئەفغانستان گواستوویه‌تییەوە كە ژمارەیەك چەكدار هێرشیان كردووەتە سەر تیمێکی داواكاری گشتیی لە شاری كابوڵ.

 

هاوکات بە وتەی جەمشید رەسولی لە ئاكامی هێرشەكەدا، دوو داواكاری گشتیی كوژراون و ره‌سولی ئاماژەی بەوەشكردووه‌، هێرشەكە لەو كاتەدا ئەنجامدراوە كە تیمێكی داواكاری گشتیی لە رێگەدابوونە بۆ بنكەی ئاسمانیی بگرام له‌ باكووری كابوڵ.

 

بنكەی بگرام بە گەورەترین بنكەی ئاسمانیی ئەمریكا لە ئەفغانستان دادەنرێت كە دەكەوێتە باكووری شاری كابوڵ.

وەڵامێک بنووسە