لە ئاکامی پەلامارێکی چەقۆ لە چین ٨ قوتابی سەرتایی گیانیان لەدەستدا

لە ئاكامی پەلامارێك بە”چەقۆ” لە قوتابخانەیەكی سەرەتایی ناوەڕاستی چین، هەشت قوتابی كوژران. 

 

 

بە گوێرەی هەواڵێکی ئاژانسی هەواڵیی ئەسۆشەیتتد پرێس کە بڵاویکردۆتەوەپۆلیسی شاری ئینشی ناوەڕاستی چین لە راگەیەندراوێكدا ئاماژەی بەوەكردووە پەلامارەكە بەیانی ئەمڕۆ سێشەممە لە میانی یەكەم رۆژی ساڵی نوێی خوێندندا روویداوە كە قوتابیانی قوتابخانەیەك لە گوندی چاوبانگبو سەربە هەرێمی هوبای ناوەڕاستی ئەو وڵاتەی كردووەتە ئامانج.

 

هاوکات بەپێی راگەیەندراوەكە لە ئاكامی پەلامارەكەدا، هەشت قوتابی كوژراون.

 

شایەنی باسە لەوبارەوە پۆلیس رایگەیاندووە، ئەنجامدەری پەلامارەكە كە ناوی یۆ-یە و تەمەنی ٤٠ ساڵە دەستگیركراوە و لەئێستادا لەژێر لێكۆڵینەوەدایە.

 

هەروەها پۆلیس زانیاری زیاتری لەوبارەوە بڵاونەكردووەتەوە، لەوەی پەلامارەكە بەچەك یان بەچەقۆ ئەنجامدراوە.

 

بەڵام میدیاكانی چین بڵاویانكردووەتەوە كە پەلامارەكە بەچەقۆ ئەنجامدراوە.