’’لێدوانەكانی سەرۆكوەزیرانی ئیسرائیل سیاسەتێكی دوژمنكارانەیە دژبە گەل و خاكی فەڵەستین‘‘

بزووتنەوەی حەماس رایگەیاند، “لێدوانەكانی سەرۆكوەزیرانی ئیسرائیل، بێنیامین ناتانیاهو سیاسەتێكی دوژمنكارانەیە دژبە گەل و خاكی فەڵەستین”.

 

 

فەوزی بەرهوم، وتەبێژی بزووتنەوەی حەماس رایگەیاند ’’لێدوانەكانی سەرۆكوەزیرانی ئیسرائیل، بێنیامین ناتانیاهو كە رایگەیاندووە، سەروەریی ئیسرائیل بەسەر ژمارەیەك ناوچەی كەناری رۆژئاوا، هەروەها بەسەر ناوچەكانی دۆڵی ئوردن و باكووری دەریای مردوودا دەسەپێنێت، دژبە گەل و خاكی فەڵەستینە‘‘.

 

وتەبێژی بزووتنەوەی حەماس لە راگەیەندراوێكدا وەڵامی لێدوانەكانی سەرۆكوەزیرانی ئیسرائیل، بێنیامین ناتانیاهوی دایەوە كە رایگەیاندووە، سەروەریی ئیسرائیل بەسەر ژمارەیەك ناوچەی كەناری رۆژئاوا، هەروەها بەسەر ناوچەكانی دۆڵی ئوردن و باكووری دەریای مردوودا دەسەپێنێت.

 

فەوزی بەرهوم وتی، ’’لێدوانەكانی بێنیامین ناتانیاهو سەبارەت بە سەپاندنی سەروەریی ئیسرائیل بەسەر ژمارەیەك ناوچەی كەناری رۆژئاوا، هەروەها بەسەر ناوچەكانی دۆڵی ئوردن و باكووری دەریای مردوو، هیچ لە راستییەكان ناگۆرێت، هەروەها هێزی بەرگری گەلەكەمان بە ئامانجی رووبەڕبوونەوەی پلانەكانی هێزی داگیركار، راناوەستێت و درێژەی دەبێت‘‘.

 

بەرهوم ئەوەشی وتووە ’’بێنیامین ناتانیاهو بە هاندانی ئیدارەی ئەمریكا كە هاوبەشی داگیركارە لە دەستدرێژییەكانی بۆسەر گەلەمان و خواستی ژمارەیەك وڵاتی هەرێمی بۆ ئاساییكردنەوەی پەیوەندیەكانیان لەگەڵ دوژمندا، هەروەها هەڵسوكەوتی دەسەڵات لە كەناری رۆژئاوا كە بەردەوامە لە هەماهەنگی ئەمنی و سەركەوتكردنی هێزی بەرگری و پێداگیریكردن لەسەر بژاردەی دانوستانی بێ هودە، ئەو لێدوانەی داوە‘‘.

 

فەوزی بەرهوم راشیگەیاندووە ’’ئەركی سەرشانی سەرجەم لایەنە فەڵەستینییەكانە كە بەپەلە ستراتیجییەكی نیشتمانی یەكگرتوو بۆ بەردەوامبوونی خەبات و تێكۆشكانی هێزی بەرگری بە ئامانجی رووبەڕووبوونەوەی پلانەكانی دژومن، دابنێن‘‘.

 

ناوبراو لە كۆتاییدا تیشكی خستووەتەسەر ئەوەی كە پێویستە دەسەڵات لە كەناری رۆژئاوا، سیاسەتی هەماهەنگی ئەمنی لەگەڵ داگیركار رابگرێت و وازیش لە راوەدوونانی ئەندامانی هێزی بەرگری بهێنێت و هەمووان بە یەكگرتوویی رووبەڕووی سیاسەتی دوژمنكارانەی بێنیامین ناتانیاهو ببنەوە.

 

دوێنێ‌ سێشەممە بێنیامین ناتانیاهو، سەرۆكوەزیرانی ئیسرائیل رایگەیاندبوو كە ئەگەر لە هەڵبژاردنەكاندا كە بڕیارە لە ١٧ی ئەم مانگە بەڕێوەبچێت، سەركەوتن بەدەست بهێنێت، ئەوا سەروەریی ئیسرائیل بەسەر ژمارەیەك ناوچەی كەناری رۆژئاوا، هەروەها بەسەر ناوچەكانی دۆڵی ئوردن و باكووری دەریای مردوودا دەسەپێنێت.

 

وەڵامێک بنووسە