سەرکردەیەکی داعش کە بەشداربووە لە هێرشکردنە سەر ئێزیدییەکان دەستگیر کرا

هێزە ئەمنییەکانی عێراق تیرۆریستێکی داعشیان دەستگیر کرد کە بەشداربووە لە هێرشی ئەو رێکخراوە تیرۆریستییە بۆسەر قەزای سنجار.

 

 

 

لە راگەیەندراوێکدا وەزارەتی بەرگری عێراق ئاماژەی بەوەداوە کە هێزە ئەمنیەکان لەژێر رۆشنایی هەواڵگرییەکدا کە بەدەستیان گەیشتووە، لە ناوچه‌ی بەعاج-ی رۆژئاوای مووسڵ ئۆپەراسیۆنێکیان بۆسەر ئه‌ندامانی رێکخراوی تیرۆریستی داعش ئەنجام داوە.

 

شایەنی باسە لە راگەیەندراوەکەدا هاتووە کە لەئەنجامی ئۆپەراسیۆنەکەدا کەسێک کە لەناوداعشدا بە بەنازناوی ئەبو هەمزە ناسرابوو، ناوی “حازم محەمەد عەبدوڵا قاسم”ە دەستگیر کراوە و بەشداربووە لە دەستدرێژی سێکسی و کوشتنی ئافرەتانی ئێزدی.

 

وەڵامێک بنووسە