سلێمانی.. چوار تۆمەتبار دەستگیركران كە تەقەی خۆشیان بەسەر ئۆتۆمبێلێكی فریاكەوتنی تەندروستیدا كردبوو

مەفرەزەكانی بەشی پۆلیسی شارەزور چوار تۆمەتباریان دەستگیركرد كە تەقەی خۆشیان بەسەر ئۆتۆمبێلێكی فریاكەوتنی تەندروستیدا كردبوو.

 

 

بەپێی راگەیەندراوی پۆلیسی سلێمانی، دوای ئەوەی کە لە تۆڕە کۆمەڵایەتیەکان گرتە ڤیدیۆییەک بڵاو کراوەتەوە و تێیدا چەند کەسێک دەردەکەون لە خۆشی گێڕانەوەی نەخۆشێکیان کە توشبووی کۆرۆنا بووە، بۆ گوندەکەیان، “تەقەی خۆشی” بە ئاسماندا دەکەن بەڕێوەبەری گشتی پۆلیسی پارێزگای سلێمانی عەمید ئاسۆ شێخ تەها، بەشی پۆلیسی شارەزوری راسپاردووە كە کار بکەن لەسەر  دۆزینەوەی تۆمەتباران و دەستگیركردنیان .

 

هاوکات لە راگەیەندراوەکەی پۆلیسی سلێمانیدا هاتووە، “مەفرەزەكان لێكۆڵینەوەكانیان دەستپێكردوو توانرا لەلایەن بنكەی پۆلیسی وارماوای سەربە بەشی پۆلیسی شارەزور چوار تۆمەتبار دەستگیربكرێن”.

 

لەئێستادا تۆمەتباران ،” ن .ع .ح،  أ . م .م، أ .أ. م، أ.ق.ع” بەبڕیاری  دادوەر راگیراون و لێكۆڵینەوە لەگەڵیاندا بەردەوامە.

 

لە تۆڕە كۆمەڵایەتییەكان گرتە ڤیدیۆیەك بڵاوكرایەوە كە چەند كەسێك تەقە بەسەر ئۆتۆمبێلێكی فریاكەوتنی تەندروستیدا دەكەن كە نەخۆشێك دەگوازێتەوە بۆ گوندی بێسەڵمێن لەسنوری قەزای شارەزور .

وەڵامێک بنووسە