رووسیا هه‌فته‌یەک پشویی بۆ فەرمانبەران راگەیاند

سه‌رۆكی رووسیا، ڤلادیمیر پوتین، به‌هۆی په‌تای جیهانگیری ڤایرۆسی كۆرۆنای نوێ (COVID-19)وه‌، دواخستنی گشپرسیی رۆژی ٢٢ی نیسان و پێدانی هه‌فته‌یەک مۆڵه‌تی كارگێڕیی بۆ فەرمانبەران راگەیاند.

 

 

پوتين، لە گوتارێكيدا بۆ خەڵك كە لە كەناڵەکانی تەلەڤیزيۆن بڵاوكرايەوە، رێكارەكانى وڵاتەكەى بۆ رێگرتن لە بڵاوبوونەوەی ڤايرۆسى كۆرۆناى نوێ (COVID-19) ئاشكراكرد.

 

سەرۆكى رووسيا، ئاماژەى بەوە كرد كە لە چوارچێوەى رێكارەكانى رێگرتن لە COVID-19 گۆڕانكارى لە رێككەوتى گشتپرسييەكەى ٢٢ى نيسان دەكەن و گوتى: “بير لەوە دەكەمەوە كە دەنگدان لەسەر گۆڕانكارييەكانى دەستوور بۆ ماوەيەكى داهاتوو دوابخەين. هەڵسەنگاندن بۆ پێشهاتەكانى دۆخى وڵاتەكەمان و ناوچەكە دەكەين. تەنها بە پشت بەستن بە پێشنيارى كەسانى شارەزا و پزيشكان رێككەوتێكى ديكە بۆ دەنگدان دەستنيشان دەكەين”.

 

پوتين گوتيشى: “لە ئێستادا ئەوەى زۆر گرنگە كە رێ لە هەڕەشەكانى ئەم نەخۆشييە بگرين كە زۆر بە خێرايى بڵاودەبێتەوە. بۆيە رايدەگەێنم لە هەفتەى داهاتوودا مۆڵەتى کارگێڕیی بە مووچە دەدرێت بە سەرجەم فەرمانبەران. واتا بەم كۆتايى هەفتەيەوە لە ٢٨ى ئادارتاوەکو پێنجى نيسان مۆڵەت وەردەگرن”.

وەڵامێک بنووسە