خەڵکی موسڵ ناڕەزاییان دەربڕی لە هاتنی بەرهەم ساڵح بۆ شارەکەیان

به‌رهه‌م ساڵح، سه‌رۆکكۆماری عێراق لە لایەن كه‌سوكاری قوربانیانی رووداوی ژێرئاوكه‌وتنی به‌له‌مه‌كه‌ی مووسڵ هێرشی  کرایە سەر و خەڵکی ئەو شارە ناڕه‌زایه‌تییان دژی سه‌ردانه‌كه‌ی ده‌ربڕی.

 

 

بە گوێرەی ئه‌و گرتە ڤیدۆییانەی له‌ تۆڕه‌ كۆمه‌ڵایه‌تییه‌كان بڵاوبوونه‌ته‌وه‌ به‌رهه‌م ساڵح، سه‌رۆکكۆماری عێراق به‌مه‌به‌ستی وه‌رگرتنی زانیاری له‌باره‌ی رووداوه‌كه‌ سه‌ردانی مووسڵی كردووه‌ به‌ڵام كه‌سوكاری قوربانیانی رووداوه‌كه‌ ناڕه‌زایه‌تییان له‌دژی ده‌ربڕیووه‌.

 

هاوکات له‌ كاتێكدا هێزه‌ ئه‌منییه‌كان و پاسه‌وانان ده‌یانویست به‌رهه‌م ساڵح له‌ ده‌ست خه‌ڵكانی ناڕازی رزگار بكه‌ن ماوه‌یه‌ك به‌ریه‌ككه‌وتن روویدا.

 

هەروەها دواتر به‌رهه‌م ساڵح به‌ هاوكاری پاسه‌وانه‌كانی چووه‌ ناو یه‌كێك له‌ ئۆتۆمبێله‌كان و له‌ شوێنی رووداوه‌كه‌ دووركه‌وته‌وه‌.

 

شایەنی باسە، كه‌سوكاری قوربانییان دروشمه‌كانی وه‌ك “نه‌خێر بۆ گه‌نده‌ڵی”، “گه‌نده‌ڵكاران رزگاریان نابێت” و “هه‌مووتان دزن”یان ده‌گوته‌وه‌.

 

جێگای ئاماژەیە، ئێوارەی دوێنێ چوارشەممە، بەلەمێک کە ژمارەیەک گەشتیاری تیادابوو لە ناوەڕاستی رووباری دیجلە لە مووسڵ ژێرئاوکەوت له‌ ئاكامدا زیاتر له‌ ١٠٠ كه‌س گیانیان لەدەستدا.

وەڵامێک بنووسە