بەوێنە.. دوایین ئامادەکارییەکان بۆ یادی لە دایكبوونی پێغەمبەری ئیسلام

ئەمڕۆ دوایین ئامادەکارییەکان بۆ بۆنەی یادی لە دایكبوونی پێغەمبەری ئیسلام، لە شاری هەولێر(ئەربیل) ئەنجامدرا.

 

 

موسوڵمانان لە سەرانسەری هەرێم بۆ بەرزڕاگرتنی ڕۆژی لە دایكبوونی پێغەمبەری ئیسلام محمد (د.خ) لەسەر بێت، هەڵستان بە جوانکردنەوە و رازاندنەوەی خانوو و دوکان و باڵەخانە و شەقامەکان.

 

هاوڵاتیانی شاری هەولێڕ (ئەربیل) بەتایبەت ساڵانە بە جۆش و خرۆشەوە بەشداری لەم یادە دەکەن، لەم رۆژەدا لە بازاری قەیسەری و ماڵەکان مەولود بۆ ئەم بۆنەیە ساز دەکەن و شیرینی دەبەخشەنەوە.

 

جێگای باسە کە ئەمڕۆ هەینی ٨-١١-٢٠١٩ كاتژمێر ٣:٣٠ خولەک مەراسیمێکی مەولود بۆ یادی لە دایکبوونی پێغەمبەر(د.خ) لە شاری هەولێر رێکخرا لەلایەن پارێزگاری هەولێر-ـەوە.

 

هەروەها بەشی راگەیاندنی پارێزگای هەولێر لایخۆیەوە رایگەیاندبوو، “بۆ بەرزڕاگرتنی ڕۆژی لە دایكبوونی پێغەمبەری ئیسلام محمد (د.خ)، پارێزگای هەولێر بۆ پیرۆزكردنی ئەم ڕۆژە، مەراسیمێك لە سەر قەڵای هەولێر ڕێكدەخات”.

 

سبەی شەممەش هەر بەو بۆنەیەوە چەندین مەڕاسیمی مەولود خوێندنەوە لە شارەکانی هەرێم و زۆربەری شارەکانی تری عێراق بەڕێوەدەچێت.

 

 

هەموو ساڵێك لە یادی لەدایكبوونی پێغەمبەری ئیسلام(د.خ) لە سەرجەم شار و شارۆچكەكانی هەرێمی كوردستان مەراسیمی مەولود ئەنجام دەدرێت.

 

 

فۆتۆ: محمد امین

وەڵامێک بنووسە