ئیتاڵیا… کۆرۆنا بووە هۆی گیانلەدەست دانی ١١١ کەسی دیکە

له ئیتاڵیا له‌ماوه‌ی ٢٤ كاتژمێری رابردوودا، ١١١ تووشبووی دیكه‌ی ڤایرۆسی كۆرۆنای نوێ (کۆڤید-١٩) گیانیان له‌ده‌ستداوه و ٤١٦ کەسیش تووشی ڤایرۆسەکە بوون.

 

 

له‌ ئيتاڵيا له‌ماوه‌ی ٢٤ كاتژمێری رابردوودا، ١١١ تووشبووی دیكه‌ی ڤایرۆسی كۆرۆنای نوێ (کۆڤید-١٩) گیانیان له‌ده‌ستداوه‌، كۆی گشتیی گیانله‌ده‌ستدان به‌ ڤایرۆسه‌كه‌‌ له‌و وڵاته‌ بۆ ٣٣ هه‌زار و ٣٤٠ به‌رزبووه‌ته‌وه‌‌.

 

دوايين ئامارەكانى ڤايرۆسى كۆرۆنا لە ئيتاڵيا كە ماوەى سێ مانگە ئەو وڵاتەى تەنيوە، لەلايەن دامەزراوەى بەرگريى شارستانى لە رێگەى راگەیەنراوێکەوە بڵاوكرايەوە.

 

بە گوێرەى راگەيەنراوەكە، ژمارەى كه‌یسه‌ چالاكه‌كانی تووشبوون لە وڵاتەكە بە كەمبوونەوەى دوو هەزار و ٤٨٤ حاڵەت داكشاوە بۆ ٤٣ هەزار و ٦٩١، بەمەش كۆى گشتيى حاڵەتەكانى تووشبوون بە ڤايرۆسى كۆرۆنا لە وڵاتەكە تاوه‌كو ئەمڕۆ ٢٣٢ هەزار و ٦٦٤ حاڵەتە. ژماره‌ی حاڵه‌ته‌ نوێیه‌كانی تووشبوونیش له‌ ماوه‌ی ٢٤ كاتژمێری رابردوودا، ٤١٦ حاڵه‌ت بووه‌.

 

به‌پێی ئامارەكانى بەرگريى شارستانى ئیتاڵیا، ژمارەى ئه‌و تووشبووانه‌ی له ڤايرۆسەكە چاكبوونه‌ته‌وه‌، ئەمڕۆ دوو هەزار و ٧٨٩ زياديكردووە و كۆى گشتیى بۆ ١٥٥ هەزار و ٦٣٣ بەرزبووەتەوە.

راگەيەنراوەكە ئاماژەى بەوە كردووە لە ٢٤ كاتژمێری رابردوودا، ١١١ حاڵەتى نوێى گيان لەدەستدان له‌ سه‌رانسه‌ری ئیتاڵیا، تۆماركراوە و كۆى گشتى گيانلەدەستدان بۆ ٣٣ هەزار و ٣٤٠ بەرزبووەتەوە.

 

هاوكات ژماره‌ی نه‌خۆشه‌كانی یه‌كه‌ی چاودێریی چڕ كه‌ دوێنێ ٤٧٥ بوو، به‌رده‌وامه‌ له‌ دابه‌زین و ئه‌مڕۆ بووه‌ته‌ ٤٥٠ نه‌خۆش.

 

لەسەرانسەرى وڵاتەكە تاوەكو ئەمڕۆ سێ مليۆن و ٨٢٤ هەزار و ٦٢١ پشكنينى (کۆڤید-١٩) ئەنجامدراوە.