ئایدن مەعروف پەیامێکی لەبارەی جینوسایدی پێکهاتەی فەیلی بڵاوکردەوە

وەزیری هەرێم بۆ کاروباری پێکهاتەکان پەیامێکی بڵاوکردەوە لەبارەی ٤٠-هەمین ساڵیادی جینۆسایدی پێکهاتەی فەیلی.

 

 

لە پەیامێکدا ئایدن مەعروف، وەزیری هەرێم بۆ کاروباری پێکهاتەکان ئاماژەی بە ٤٠-هەمین ساڵیادی کۆمەڵکوژی پێکهاتەی فەیلی کردووە و لە پەیامەکەدا هاتووە، بەبۆنەی ٤٠ھەمین ساڵیادی کۆمەڵکوژی و ڕاگواستن و بێسەروشوێنکردنی پێکھاتەی فەیلی ، ٤٠ ساڵ تێ دەپەرێ بەسەرکۆمەڵکوژی و ڕاگواستن و بێسەروشوێنکردنی کوردانی فەیلی کە لەلایەن ڕژێمی بەعس کە بە شێوازی دڕندانە و دوژمنکارەنە تاوانەکەی ئەنجام دا،

 

هاوکات لە پەیامەکەدا دەڵێت، ڕژێمی لەناوچوو لە سەرکوتکردن و کۆمەڵکوژی ھیچ جیاوازیەکی نەکرد لە نێوان پێکھاتە نەتەوەیی و ئایینەکان دا، لیرەدا سەری ڕێز و نەوازش بۆ ڕۆحی پاکی شەھیدان دادەنوێنین.

 

لەکۆتایی پەیامەکەدا ئاماژە بە یەکریزی نێوان پێکهاتەکان دراوە. وهاتووە، ئومێدەوارین ئەم یادە تراژیدیایە ببێتە هاندەری زیاترمان بن بۆ یەکڕیزی و یەکگرتوویی و پێکەوە ژیانی هاوبەشی نێوان گشت پێکھاتەکان.

وەڵامێک بنووسە