ئاماری ٢٤ کاتژمێری ڤایرۆسی کۆڕۆنا لە وڵاتانی جیهان

 

لە ٢٤ کاتژمێری رابردوو ژمارەیەکی پێوانەیی تۆمارکرا لە گیان لەدەستدان و توشبوون بە ڤایرۆسی کۆڕۆنا کە لە ئێستادا بەرۆکی جیهانی گرتووە و زیاتر لە ١ ملیۆن کەس تووسی ڤایرۆسەکە بووە.

 

 

دوا بە دوای سەرهەڵدانی لە شاری ووهان-ی ویلایەتی ئوبەی لە چین، ڤایرۆسی کۆڕۆنا-ی ناسراو بە کۆڤید-١٩ لە سەرانسەری جیهان ژمارەی پێوانەیی تۆمارکرد، بەو پێیەش لە ٢٤ کاژمێری رابردوو لە دوێنێ سبەینێوە تاوەکو ئەمڕۆ سبەینێ زۆرترین گیان لەدەستدان بەهۆی کۆڕۆناوە تۆمارکرا کە ئەویش یەکسانە بە ٥ هەزار و ٨٧١ کەس، بەو پێیەش ژمارەی گیان لەدەستدان لە سەرانسەری جیهان بۆ ٥٨ هەزار و ٩٠٠ کەس بەرزبووەوە.

 

هاوکات ژمارەی توشبووان بە ڤایرۆسی ناوبراو گەیشتە ١ ملیۆن و ١٠٠ هەزار کەس.

 

ئیتاڵیا: بەهۆی ڤایرۆسی کۆڕۆناوە تا ئێستا لە ئیتاڵیا ١٤ هەزار و ٦٨١ کەس گیانی لەدەستداوە، تەنها لە ٢٤ کاتژمێری رابردوو گیان لەدەستدان بەهۆی ڤایرۆسەکە ٧٦٦ کەسە. لەلایەکی دیکەوە تا ئێستا ١١٥ هەزار و ٧١٦ کەس تووشی ڤایرۆسەکە بوونە.

 

ئیسپانیا: تا ئێستا لە ئیسپانیا ١١ هەزار و ١٩٨ کەس گیانی لەدەستداوە بە شێوەیەک، تەنها لە ٢٤ کاتژمێری رابردوو٩٣٢ کوا گیانی لەدەستداوە. بەپێی ئامارەکان ژمارەی توشبووان بە ڤایرۆسەکە ١١٧ هەزار و ٧١٠ کەسە.

 

ئەمریکا: لەرووی ژمارەی توشبووانەوە ئەمریکا لە پێشەنگی وڵاتان دایە و بەو پێیەش ژمارەی توشبووان لە سەرانسەری ئەمریکا ٢٥٧ هەزار و ٧٨٢ کەسە، لەلایەکی دیکەوە ژمارەی گیان لەدەستدان لەو وڵاتە ٧ هەزار و ٤٠٢ کەسە.

 

فەڕەنسا: ژمارەی گیان لەدەستدان لە فەڕەنسا بۆ ٦ هەزار ٥٠٧ کەس بەرزبووەوە. وەزارەتی تەندرووستی فەڕەنسا رایگەیاند، لە ٢٤ کاتژمێری رابردوو ٥ هەزار و ٢٣٣ کەس تووشی ڤایرۆسەکە بوونە و کۆی گشتی توشبووان بۆ ٦٤ هەزار و ٣٣٨ کەس بەرزبووەتەوە.

 

ئێران: ژمارەی گیان لەدەستدان، ٣ هەزار و ٢٩٤ کەس، ژمارەی توشبووان بریتییە لە ٥٣ هەزار و ١٨٣.

 

ئەڵمانیا: ژمارەی توشبوون نزیکی ٨٥ هەزار کەس بووەتەوە و هەزار و ٢٧٥ کەسیش گیانی لەدەستداوە.

 

وەڵامێک بنووسە